Berdevkê CHP'ê: Îqtîdar ji berpirsiyariyê direve
Berdevkê CHP'ê Faîk Oztrak, diyar kir ku pêvajoya şewba vîrûsa corona ji bo dewletê û gel ezmûnek girîng e û wiha got: “Îqtîdar ji berpirsiyariyê direve. Divê derketina derve qedexe bike.
Sancar banga ‘Navenda Koordînasyona Krîzê ya Neteweyî’ kir
Hevserokê Giştî yê HDP’ê Mîthat Sancar, diyar kir ku divê li dijî şewba vîrûsa koronayê “Navenda Koordînasyona Krîzê ya Neteweyî” bê avakirin û got: “Em ê navendekê ku agahiyên bi ewle bide civakê ava bikin. Pêdiviya civakê berî her tiştî, bi jiyanek bitemînat heye.”
‘Divê hemû pêdiviyên civakê bêne pêşwazîkirin'
Rêxistina HDP'ê ya Îzmirê, diyar kir ku ji ber pêvajoya şewba vîrûsê divê kes ji malên xwe dernekevin û xwest hikûmet, hemû partî, rêxistinên civakî û saziyên civakî bi hevkarî û tevkariya hev pêdiviyên civakê temîn bikin û vê pêvajoyê derbas bikin.
HDK: Polîtîkayên şaş bû sedem ku şewba vîrûsê belav bibe
HDK'ê polîtîkayên tifaqa AKP-MHPê ya li dijî vîrûsa corona bi zimanekî tund rexne kir û anî ziman ku sedema vîrûs ewqas bi lez belav bibe polîtîkayên îqtîdarê yên şaş in. HDK'ê xwest di serî de hemû girtiyên li girtîgehan serbest bên berdan û di her alî de tedbîr bên girtin.
Kaçmaz: Li Çiyayê Cûdî komkujî pêk tê
Parlamenterê HDP’ê Huseyîn Kaçmaz avakirina qelekolan ên li Çiyayê Cûdî bir rojeva Meclîsê û got: “Ji bo avakirina qelekol û santrolên termîkê bi awayekê cidî daristan tê hilweşandin û bi hezaran daran tên qetilkirin.
Kargehên ku karên wan hatine rawestandin dikarin serî li pereyê xebata kurt bidin
Wezîra Polîtîkayên Civakî, Xebat û Malbatê Zehra Zumrut Selçûk, ragihand ku kargehên ku karê wan hatine kêmkirin û rawestandin, dikarin serî li pereyê xebata kurt bidin.
‘Tu tişt ji jiyana mirovan ne girîngtir e’
Serokê CHP’ê yê Edenê Mehmet Çelebî, diyar kir ku pêdivî bi feraseta dewletê ya civakî heye ku pêşî li pêvajoya şewbê bigire û got: “Tu tiştek ji jiyana mirovan ne girîngtir e.”
Şener: Gotinên Erdogan li dijî Hîqûqa Îslamê ne
Parlamenterê CHP’ê Abdullatîf Şener, sererastkirina înfazê ya AKP’ê rexne kir û gotinên Erdogan ên derbarê efûyê de bi bîr xist û got ku sererastkirin hem li dijî gotinên Erdogan bixwe û hem jî li dijî Hiqûqa Îslamê ye.
'Tayînkirina qeyûman a vê pêvajoya şewbê hiqûqa dijminantiyê ye'
Hevberdevka HDK'ê ya Stenbolê Gurbet Aydogan, tayînkirina qeyûman a 8 şaredariyên HDP’ê bi tundî rexne kir û anî ziman ku di vê pêvajoya ku şewba vîrûsê belav dibe tayinkirina qeyûman firsendparêzî û hiqûqa dijminatiyê ye. Hevserokê HDP'ê yê Stenbolê Erdal Avci jî helwesta CHP'ê û partiyên din a li hemberî tayînkirina qeyûman rexne kir.
Guzel: Çima kîtên teşhîsê naşînin bajarên kurdan
Parlamentera HDP’ê ya Amedê Semra Guzel ji Wezîrê Tenduristiyê Fahrettîn Koca pirs kir ku çima kîtên teşhîsê naşînin nexweşxaneyên li bajarên kurdan.
Gunay: Em xwe û civaka xwe biparêzin
Berdevka Koma HDP'ê Ebru Gunay, destnîşan kir ku divê teqez mafê jiyanê yê girtiyan bê parastin û mîsogerkirin. Gunay, bertekên hişk nîşanî "polîtikayên ne wekhev" ên îqtidarê da û wiha got: "Parastina li djî vîrûsê niha tenê rêyek heye. Ew jî divê em li malên xwe bimînin. Xwe û civaka xwe biparêzin."
‘Bi dabînkirina pêdiviyên civakê re qedexeya derketina derve dikare were ragihandin’
Hevberdevka Komîsyona Rêxistinbûnê ya HDP’ê Ozlem Gunduz diyar kir ku ji ber vîrûsa koronayê civak bi qirkirinê re rû bi rû maye û got: “Heke pêdiviyên bingehîn ê civakê werin dabînkirin divê qedexeya derketina derve were ragihandin.”
Berteka Unsalê ya ji bo qeyûman: Tu aliyeke wê ya bê ravekirin tuneye
Yek ji avakarên AKP'ê Fatma Bostan Unsal, ji ber tayinkirina qeyûman AKP'ê rexne kir û ji bo qeyûmên dawî got: "Tu hêleke wê ya bê ravekirin tuneye."
Olûç: Mafê jiyanê yê hemû girtiyan heye
Serokwekîlê Koma HDP’ê Sarûhan Olûç, ji bo ku banga “Li Malê Bimîne” di civakê de bersiv bibîne, bang li hikûmetê kir ku pêvajoyê bi awayekî zelal bi rê ve bibe û têkildarî sererastkirina înfazê jî ev tişt got: “Hemû mirovên li girtîgehan mafê wan ê tenduristî û jiyanê heye.”
Soylu derbarê qedexeya derketina derve de daxuyanî da
Wezîrê Karê Hundir Suleyman Soylû têkildarî pirsa qedexeya derketina derve de got: “Heke bi van tevdîran em pêşî li şewbê negirin, em ê tevdîrên di asta jor de bigirin.”