Şewata ku li Bismilê derket hat kontrolkirin
Li gundê Seyîdhesena Bismilê şewat derketibû û piştî demekê şewat hat kontrolkirin.
Ji 3 bajaran bang kirin: Bila winda bên dîtin û kujer bên darizandin
Xizmên windayan û rêveberên Şaxên ÎHD'ê yên Amed, Êlih û Colemêrgê çalakiyên ji bo windayan berdewam kirin. Xizmên windayan vê hefteyê aqûbeta xwişk û bira Mumine (17) -Tayyibe (23) Sîncar û Mehmet Siddik Oncu û aqûbeta Velat Şedal pirsîn.
Hevşaredarê Şemrexê ku 10 xizmên wî di şewatê de mirin: DEDAŞ li vir pirsgirêkek mezin e
Hevşaredarê Şemrexê Hamdîn Demîr ê ku 10 xizmên wî di şewatê de mirin, diyar kir kir ku DEDAŞ û polîtîkaya çandiniyê ya dewletê ji şewatê berpirsiyar e û got: “DEDAŞ li vir pirsgirêka herî mezin e.”
Dayikên Şemiyê li aqûbeta Mehmet Zekî Dogan pirsîn
Dayik ango Mirovên Şemiyê di çalakiya vê heftê de li aqûbeta Mehmet Zekî Dogan ê ku 30 sal berê li Çelê hat windakirin pirsîn û gotin dê tu carî dev ji lêgerîna edaletê bernedin.
DBP û DEM Parti li herêma şewatê ye: Berpirsiyar DEDAŞ e, bila ev der wek ‘herêma afetê’ bê ragihandin
Hevserokên Giştî yên DBP’ê û DEM Partiyê bi tevî şandeyek girseyî ve serdana şîna qurbaniyên şewatê kirin. Hevserokan da zanîn ku mesûliyeta mezin a şewatê DEDAŞ e û bang kirin ku herêma şewatê wek “Herêma Afetê” bê ragihandin.
Dîrekên ku DEDAŞ’ê digot ‘tune’ ne hemû li cihê şewatê ne
Her çiqas DEDAŞ bêje şewat ne ji ber ceyranê bûye û dîrekên ceyranê li wir tune ne jî lê li cihê şewatê bi dehan dîrek tên xuyakirin.
Şahidê ku meta wî şewitî ye: Bila derewan nekin sedema şewatê ceyran e
Ji şahidên şewatê Hamza Bulbul ê ku li baxçeyê nexweşxaneyê li benda meta xwe Zekiye Erdenli ya ku di şewatê de bi giranî birîndar bûbû disekine, bertek nîşanî nûçeyên ku şewat ji ber pirêzeyan derketiye da û got ku şewat ji ber ceyranê derketiye.
Hêzên Îranê kolberek kurd qetil kirin
Hêzên rejîma Îranê, ciwanê kurd Arkan Balvaseh ê ku kolberiyê dikir li ser sînor kuştin.
Baroya Amedê giliyê parvekirinên nijadperest kir
Baroya Amedê der barê kesên li ser hesabên xwe yên medya dîjîtal de têkildarî şewata li Çinarê û Şemrexê parvekirinên nijadperest kirin, gilî kir.
Wezareta Karên Navxweyî: Me sedema şewatê tespît nekir
Walîtiya Amedê û Wezareta Tenduristiyê şewata li Çinarê û Şemrexê wek “şewitandina pirêzeyan” didin nîşandan. Cîgirê Wezîrê Karên Navxweyî Munîr Karaloglû jî diyar kir ku wan sedema derketina şewatê tespît nekirine.
Li Hîlwanê du malbatan li hev xist: 3 mirî 4 birîndar
Li Hîlwanê di navbera du malbatan de şerê çekdarî qewimî û 3 kes mirin û 4 kes jî birîndar bûn.
Hejmara miriyên şewatê gihîşt 14 kesan
Kerîme Erdenlî ya di şewata li Çinarê û Şemrexê de jî birîndar bûbû, vê sibehê li nexweşxaneyê jiyana xwe ji dest da.
Cenazeyê Erdemcî di dorpêça polîsan de hat veşartin
Endamê HPG’ê Şakîr Erdemcî yê di şerê li Çiyayê Mawa de jiyana xwe ji dest dabû li Goristana Guneykentê ya Mêrsînê di dorpêça polîsan de hat veşartin.
Guneş: Leşkeran rêya diçû herêma şewatê girtibûn hawar negihîşt wir
Parlamentera DEM Partiyê ya Mêrdînê Bêrîtan Guneş ku ji destpêkê ve li herêma şewatê bû, anî ziman ku leşker û polîsan rê girtibûn û welatî nekarîbûn biçin herêma şewatê.
Ji CHP'ê banga mitînga 'em ê rê nedin qeyûm': Em dikarin bi têkoşîna hevpar ji heq wê derên
Cîgirê Serokê CHP'ê yê Stenbolê Alî Ekber Comert anî ziman ku wê bi têkoşîna hevpar pêşî li pirsgirêka tayinkirina qeyûm bê girtin û ji bo mitînga ku wê Hêzên Ked, Aştî û Demokrasiyê yên Stenbolê di 29'ê Hezîranê de li dar bixin bang kir.