Tirkiyeyê gundên Dihokê bombebaran kir
Tirkiyeyê gundên Kefne Mijê û Guherzê yên Dihokê bombebaran kir. Ji ber êrişan li herêmê şewat derket.
Kesên di karesata şewatê de jiyana xwe ji dest dabûn hatin bibîranîn
Di karesata şewatê ya li gundên Xana Axpar û Şemrexê de 15 welatiyan jiyana xwe ji dest dabûn. Kesên di şewatê de jiyana xwe ji dest dan, li ser gorên xwe hatin bibîranîn.
Ji welatiyên Amedê hişyariya pêvajoyê: Ger gav neyê avêtin dê şerê Îsraîl-Îran li vir belav bibe
Welatiyên Amedê diyar kirin ku di pêvajoya piştî banga Abdullah Ocalan dest pê kirî de tu gavên şênber ji îktîdarê nabînin û gotin: "Dema me tune ye. Li Rojhilata Navîn şer heye. Heke wiha bidome, dê şerê Îsraîl û Îranê belavî vir jî bibe."
Înîsiyatîfa Yekitiya Demokratîk ji bo rakirina dorpêça li ser Mexmûrê bang kir
Înîsiyatîfa Yekitiya Demokratîk bertek nîşanî dorpêça li ser Kampa Mexmûrê da û bang li hikûmetên Enqere, Hewlêr û Bexdayê kir ku mafên gel nas bikin.
Ji OHD'ê rapora li ser girtîgehên Antalyayê: Mafê tedawiyê tê astengkirin
Nûnertiya OHD’ê ya Antalyayê têkildarî binpêkirinên mafan ên 5 mehên destpêkê ya sala 2025’an raporek amade kir. Di raporê de hat gotin ku girtî ji mafê tenduristiyê bêpar tên hiştin.
Ji bo kurê xwe yê di greva birçîbûnê de banga hestiyariyê kir
Kader Akgul ku kurê wê Alî Hasan Akgul ji bo daxwazên wî pêk bên di çalakiya greva birçîbûnê ya bêdem de ye, got: ““Bila her kes li dijî girtîgehên bi tîpa bîrê derkeve û bibin dengê zarokên me.”
Rojnameger Amed Dîcle: Jehrkuja netewe dewleta yekperest, neteweya demokratîk e
Rojnameger Amed Dîcle bal kişand ser şerê Îran-Îsraîlê û got: “Jehrkuja netewe dewleta li Rojhilata Navîn, neteweya demokratîk e. Heke Kurd, Azerî, Faris, Belyuc, Şîe û Ereb bixwazin li Rojhilata Navîn perspektîfa neteweya demokratîk cîbicî bikin, zemîna vê Îran e.”
Wezîrên 4 welatan dê bi rojeva şerê Îsraîl-Îranê bicivin
Wezîrên karên derve yên Îran, Ingilistan, Fransa û Almanyayê dê bi rojeva şerê Îsraîl-Îranê û peymana nukleerê bicivin.
Dayika hevjîn û kurê xwe di şer de winda kirî: Me ev bedel ji bo azadiyê da û divê gav bên avêtin
Hurşe Gurdal ku di şerê zêdetirî 50 salan de kur û hevjînê xwe winda kir, bertek nîşanî operasyonên tevî pêvajoyê jî tên kirin da û got: “Her ku em dibêjin aştî ew di şer de israr dikin. Êdî bes e, bila vî şerî bidin sekinandin û ji bo aştiyê gav biavêjin.”
Ji ber endamtiya rêxistineke fesixkirî ceza dan siyasetmedar
Bi îdiaya endamtiya PKK'ê ku xwe fesix kiriye, 7 sal cezayê hefsê dan Hevserokê DEM Partiyê yê Rihayê Nîhat Demîrbîleklî. Demîrbîleklî, wiha bertek nîşan da: "Madem dê aştî çêbibe, wê demê çima hêj ceza didin siyasetmedaran?"
Şewata li Keleha Mêrdînê derketî hate vemirandin
Şewata li qada daristanê ya li dora Keleha Mêrdînê derketibû, hate vemirandin.
Li girtiyê destekî wî tune ye 11 roj cezayê hucreyê hate birîn
Di dema lêgerîna li qawîşan a li Girtîgeha Tîpa F a bi Ewlekariya Bilind a Boluyê de pirtûkên girtiyê nexweş Civan Boltan hatin desteserkirin û bi îdiaya “propagandaya rêxistinê” 11 roj cezayê hucreyê lê hate birîn.
Li Şirnexê li dijî zarokan tacîza zayendî: Faîl hate tehliyekirin
Mamosteyê bi navê Sadun Vural, li dibistaneke amadehî ya Silopiyayê di dîrokên cuda de tacîza zayendî li 6 xwendekaran kir. Tevî rêzesûcên vî şexsî li dijî zarokan kiriye jî, salek piştre hate berdan. Midûriyeta Perwerdeya Neteweyî jî tenê bi dûrxistina ji peywirê bisînor ma.
Dayikên Aştiyê: Divê dewlet tavilê gav biavêje
Endamên Meclisa Dayikên Aştiyê ya Êlihê, destnîşan kirin ku şerê Îsraîl-Îranê çareseriya pirsgirêka Kurd a bi rêyên demokratîk neyînî bandor dike û ji bo çareseriya pirsgirêkê bangî dewletê kirin.
35 sal in li Elbakê hêştiran xwedî dike
Zêdetirî 35 sal in navçeya Elbakê ya Wanê hêştir tên xwedîkirin. Ji kesên hêştiran xwedî dike Cem Aybar diyar kir ku avhewaya sar û hişk ji bo xwedîkirina hêştiran baş e û hêştirên bipûrt dikarin di her avhewayê de bijîn.