‘Heya Aysel Tûglûk bê berdan em ê têbikoşin'
Jinan diyar kir ku siyasetmedar Aysel Tûglûk naveke girîng a tevgera jinê ye û gotin: "Heya Aysel bê berdan em ê têbikoşin."
Ji ber çêkirina sêke derheqê girtiyan de angaştname hat amadekirin
Girtiyên li Girtîgeha Jinan a Sîncanê ji bo paqijiyê ji xwe re sêke çêkiribû. Dozgeriyê, têkela fêkî û şilaviyê ku ji bo çêkirina sêkeyê tê bikaranîn wek “alkol” nirxand û derheqê girtiyan de angaştname amade kir.
Ji kujerê Dîlek Kaya re cezayê muebbeta giran hat xwestin
Dozger mutalaayza xwe ya derbarê binefserê kujer Yûsûf Çalişkan ku Dîlek Kaya kuştibû da û cezayê muebbeta giran jê re xwest.
Cerdevanê ku 2 kesan kuşt hat binçavkirin
Cerdevan Îzzet Devecî ku xwişka xwe Aysel Yaşar û hevjînê wê Îbrahîm Yaşar kuşt hat binçavkirin.
Wê derbarê jinên siyasetmedar de mutalaa bê amadekirin
Dosyayên ku Endam Meclisa Şaredariya Çinarê Necla Tamrîş û Endam Meclisa Şaredariya Gêlê Bahar Karakaş Ûlûg ku ji peywirê hatibûn girtin jê tên darizandin ji bo mutalaayê ji dozgeriyê re hatin şandin.
Gunay a HDP’î ji bo jinên girtî bang kir
Berdevka HDP’ê Ebrû Gunay têkildarî binpêkirinên mafan ên li girtîgehan diqewimin û girtiyên nexweş li Wanê bi parêzeran re hat gel hev. Gunay, ji bo girtiyên jin banga piştevaniyê kir.
Danişîna doza Seda Kurt hat taloqkirin
Danişîna doza kujer Ercan Akkaş ku hevjîna xwe Seda Kurt qetil kiribû û ji bo girtina wî bultena sor hatiye derxistin, îro bû. Di danişînê de parêzeran û xizmên Kurt xwestin ku kujer Akkaş di zûtirin dem de bê girtin. Dadgehê doz taloq kir.
Li hevjînê Remziye Yoldaş cezayê hefsê yê muebbetê hat birîn
Veysî Yoldaş ê ji girtîgehê revî û hevjîna xwe Remziya Yoldaş (29) qetil kir, ji doza tê darizandin “bi zanebûn kuştinê” cezayê hefsê yê muebbetê lê hat birîn.
Çîroka dayikekê: Bi têkoşînê li ser pêyan ma
Felek Tanirgan ku bi darê zorê ji gund hatiye derxistin, 3 caran hatiye girtin, 23 sal in hevjînê wê girtiye û keçek wê 10 sal û 6 mehan di girtîgehê de maye, bi têkoşîn û berxwedaneke 5 salan kujerê keça xwe daye girtin. Tanirgan, tiştên hatine serê wê wekî "bedêla ji bo azadiyê" pênase kirin.
Meclisa Jinan a HDP’ê: Armanca ji êrişa li dijî Guzel dê hasil nebe
Meclisa Jinan a HDP’ê derheqê êrişên li ser siyasetmedarên jin daxuyaniyek da. Di daxuyaniyê de hat gotin ku êrişên li dijî parlamenter Semra Guzel û jinên siyasetmedar encama têkçûna desthilatdaran e û dê armanca van êrişan hasil nebin.
Ajansa ku nûçeya qetilkirina Mona Hayderî dabû li Îranê hat girtin
Lijneya Venihêrîna Çapemeniyê ya Îranê, Ajansa Nûçeyan a Roknayê ku nûçeya qetilkirina Mona Heyderî parve kiribû, girt.
Kars a ji Komkujiya 19’ê Kanûnê bi birîndarî xelas bûbû jiyana xwe ji dest da
Bîrsen Kars a ji “Operasyona Vegera Jiyanê” bi birîndarî xelas bûbû, li Elmanyaya ku tedawiya penceşêrê didît jiyana xwe ji dest da.
Jina ku hatibû Tirkiyeyê û careke din wê biribûn Îranê hat kuştin
Jina îranî ya bi navê Mona hayderî ku ji ber tundiya hevjînê xwe reviyabû Tirkiyeyê, piştî ku hatibû dîtin û careke din wê biribûn Îranê, hat kuştin.
Li gorî JINNEWS’ê di meha çileyê de 32 jin hatine kuştin
Li gorî daneyên tundiyê yên JINNEWS’ê, di meha çileyê de 31 jin hatine kuştin û 30 jin jî bi awayekî biguman jiyana xwe ji dest dane.
Li Geverê 26 jin bi gefa parvekirina wêneyên wan hatin tacîzkirin
26 jinên ku li navçeya Geverê wêneyên wan bi awayekî bê destûr li ser hesabên medyaya dîjîtal, hatine parvekirin û hatine tacîzkirin, serî li ÎHD’ê dan.