TMMOB: Biryara Kent Ormani rawestînin
Sekreterê Koordinasyona Bajar a TTMOB'ê ya Amedê Dogan Hatûn, xwest biryara Wezaretê ya "Qada Avakirina Xaniyan" a li Kent Ormanî girtiye bê rawestandin. Dogan, xwest hêzên bajar jî bêdengiya xwe xera bikin û di pêşengiya şaredariyan de têkevin nava hewldanan.
Koordinasyona Heskifê der barê şewata Heskifê de daxuyanî da
Koordinasyona Heskifê ya Êlihê têkildarî şewitandina keleha Heskifê daxuyanî da û xwest heyetek serbixwe bê avakirin û lêkolînê bikin.
Kavilên xaniyên tên rijandin eraziyên çandiniyê qirêj dikin
Li Êlihê ji ber xemsariya saziyan kavilên bînayên tên hilweşandin û axa ji temelê xêniyan derdixin li eraziyên çandiniyê tên rijandin û ev yek dibe sedema tehdîda li ser eraziyan.
Li Keleha Heskîfê şewat derket
Navçeya dîrokî Heskîf ji aliyekî ve tê xwestin di bin ava Bendava Ilîsûyê de bihêlin û ji aliyekî din ve jî tê şewitandin.
Hiqûqnas: Erka qanûnî pêk bînin û xwezayê biparêzin
Nûnerên Komîsyona Hiqûqa Bajar û Derdorê ya Baroyan û hiqûqnasên di vê qadê de xebatê dimeşînin, encamnameya civîna têkildarî vê qadê bi raya giştî re parve kirin.
Li Aknehîrê wê 2 hezar RES bên avakirin
Herêma ku warê bîr û baweriya Xirîstiyan û Elewiyên Ereb in, di bin talûkeya RES'an de ye. Her çend bertekên li dijî vê yekê bidmin jî niha li herêmê 2 hezar RES tên plankirin.
Serokên 17 baroyan li Heskîfê kom bûn: Dest ji avakirina bendavê berdin
Serokên baroyên 17 bajaran ên li Heskîfê kom bûn, ji bo ku dîrok tune nebe, banga dest ji avakrina Projeya Benva Ilisû berdin kirin.
Santrala Termîkê ya Silopiyayê jehrê dipejiqîne: 511 kes mirin, 11 hezar welatî astengdar in
Santrala Termîkê ya Silopiyayê ya Koma Cînerê, ji ber rê li ber qirkirina xwezayê vedike û ji ber dibe sedema mirina mirovan di rojevê de ye. Parlementerê HDP'ê yê Şirnexê Huseyîn Kaçmaz, diyar kir ku li gorî daneyên TUÎK'ê, di 3 salên dawî de li tevahiya bajêr 511 kes mirine û li Silopiyayê jî 11 hezar astengdar hene û got, sedema van qewimînan jî santrala termîkê ye.
‘Biryara ÛNESCO ya ji bo Sûrê dayî biryarek dereng mayî ye’
Endamê Lijneya Rêveber a Şaxa Odeya Avahîsaz a Amedê Herdem Dogrûl, bal kişand ser navçeya Sûrê ya ÛNESCO kiriye bin parastinê û wiha got: “Biryara ÛNESCO ya ji bo lêkolînkirina Sûrê, biryarek dereng mayî ye.”
Ji Heskîfê bang kirin: Heskîf li cihê xwe xweşe
Rêxistinên civaka sivîl, ekolojîk û pişeyî, bin avkirina Heskîfê şermezar kirin. Parlementera HDP'ê ya Êlihê Ayşe Acar Başaran, diyar kir ku ji bo finsendên siyasî yên navneteweyî Heskîfê tune nekin û got: "Heskîf li cihê xwe xweşike."
HDP: Hêj jî ji bo Heskîfê ne dereng e
Meclîsa Ekolojiyê ya HDP’ê xwest li ber Bendava Ilisûyê daxuyanî bide, polîs û eskeran daxuyanî asteng kirin. Li ser astengiyê HDP’iyan li cihek nêzî Ilisûyê daxuyanî dan û gotin “Ji bo Heskîfê hêj ne dereng e.”
Ji bo 'avêtina mezin' a Heskîfê bang kirin
Înîsiyatîfa Heskîfê, ji bo çalakiya 'Avêtina mezin a Dîcleyê' ku dê li Heskifê pêk were bang kir.
Çiyayê Mazî wergeriya xweliyê: Zindewer bi saxî şewitîn
Herêma Çiyayê Mazî ya girêdayî Qoserê, ji ber şewata ku piştî operasyona duh lê hat destpêkirin derket, bû xwelî. Di şewatê de hejmareke zêde sewal mirin. Gundiyên li herêmê banga xwedî derketina li xwezayê kirin.
Qesra Biçûk li ber rûxînê ye
Li Heskîf a ku tê xwestin di bin avê de bimîne, ji ber liv û tevgera makîneyên karî yên giran hindik maye Qesra Biçûk birûxe.
EGEÇEP: Destê xwe ji daristanan vekişînin!
EGEÇEP'Ê bertek nîşanî daxuyaniya yekîtî û saziyên sivîl ên civakî yên sektora madenvaniya da û xwest ku destê xwe ji daristanan vekişînin.