Serdozgerê Komarê yê Amedê der barê Parlamenterê Pardiya Demokratîk a Gelan (HDP) yê Kocaeliyê Omer Faruk Gergerlioglu de bi sedema bertek nişanî Hevseroka Giştî ya  HDP'ê Pervîn Buldan nedaye fezleke amade kir. 

 

HDP’ê di 27-28'ê cotmeha 2018'an de li Otela Demîr a navçeya Sûrê konferansa “Çareseriya Neteweya Demokratîk û Krîza Rojhilata Navîn"  pêk anîbu. Serdozger der barê Buldan bi îdîaya di konferansê de gotiye “…. Divê careke din pêvajoya aştî û muzakereyan dest pê bike. Divê tecrîda li ser birêz Ocalan bi dawî bibe. Divê Birêz Ocalan tev li vê pêvajoyê bibe", “… Em hemû bawerî, nasname û mezhep careke din wê li ber xwe bidin û berxwedanê mezin bikin", " …Em baweriya xwe ya ku em tecrîdkirina Birêz Ocalan rakin û bi Birêz Ocalan re serdema nû bi hevre bi rêve bibin û belav bikin tînin ziman...." û bi van gotinan “Propagnada rêxistinê kiriye" fezleke amade kir. 

 

Gergerlioglu, têkildarî amadekirina fezlekeyê daxuyanî da û wiha got: "Ev fezlekeya hatiye amadekirin dê wekî "mohra reş" derbasî dîroka hiqûqa cîhanê bibe. Ev fezleke di hiqûqa Tirkiye de garabet e. Balkêş e di wê konferansê de min peyvek jî negot. Tenê sûcê min ewe ku min tenê li Seroka me Pervin Buldan guhdar kiriye. Dozger, bêdengiya min a li hemberî axaftina Pervin Buldan wekî ‘propaganda rêxistinê' pênase kiriye. "