* Saadet Oklû ya ku di pevçûnan de 2 zarokên wê jiyana xwe ji dest dane diyar kir ku ew piştgiriyê didin banga Abdullah Ocalan û got: "Me wekî aliyê kurd her tişta ku ketiye ser milê me, me kiriye. Niha jî dora dewletê ye ku gav bavêje." 

 

* Jinên Amedê diyar kirin ku sedema tundî û qetlîamên li ser jinan polîtîkaya bêcezakirinê ya di pergala baviksalarî de ye û gotin ku yekane çareserî pêşxistina rêxistinbûn û xweparastinê ye.

 

* Tevî biryara “binpêkirinê” ya DMME’yê, hişyariya “biryara navberê” ya Komîteya Wezîran a Konseya Ewropayê û daxuyaniyên Devlet Bahçelî jî têkildarî “mafê hêviyê” yê Abdullah Ocalan tu gav nayên avêtin. Rêxistinên maf û hiqûqê amadekariyan dikin ku agahiyên nû bidin komîteyê. 

 

* Rojnameger Şoxan Mîrza diyar kir ku tevî biryara agirbestê ya PKK’ê jî êrişên ser Herêma Federe ya Kurdistanê didomin û anî ziman ku ji bo sekinandina êrişan berpirsyartî dikeve ser milê hikûmeta Herêma Kurdistanê. 

 

* Parêzerên ÎHD û OHD’î diyar kirin ku berdana girtiyên nexweş ji bo pêvajoya heyî jidil pêş bikeve dê bibe gaveke cidî. 

 

* Komeleya Aştiyê ya 10’ê Cotmehê dê bi boneya meha 114’emîn li pêşiya Gara Enqereyê bîranînê li dar bixe. (10.04)

 

* Platforma Ked û Demokrasiyê ya Edeneyê dê bi mijara “Mafê me yê civîn, xwepêşandan û meşan nayê darizandin” daxuyaniyê bidin. (12.30)

 

* Şandeya DEM Partiyê ya Îmraliyê dê bi Serokkomarê AKP’î Tayyîp Erdogan re hevdîtinê bike. (13.30) ZINDÎ

 

* Malbatên girtiyan dê têkildarî binpêkirinên mafan ên li girtîgehan li Şaxa ÎHD’a Stenbolê daxuyaniyê bidin. (15.00)