MÊRDÎN - Li navçeya Nisêbînê Şehmûs Dildar Keskîn ê 18 salî bi awayekî biguman jiyana xwe ji dest da. 

 

Li Sûka Qaçaxçiyan a li Taxa Mor Yakûp a navçeya Nisêbîn a Mêrdînê Şehmûs Dildar ê 18 salî bi awayekî biguman jiyana xwe ji dest da. Li ser agahdarkirinê tîmên tenduristiyê û polîs hatin cihê bûyerê. Tîmên hatin cihê bûyerê bi cenazeyê Keskîn re rûbirû man. 

 

Cenazeyê Keskîn ê hate îdiakirin ku bi çekê întîhar kiriye bi ambûlansê birin morga Nexweşxaneya Dewletê ya Nisêbînê. 

 

Têkildarî bûyerê lêkolîn hate destpêkirin.