RIHA - Odeya Bijîşkan a Rihayê têkildarî êrişê daxuyanî da û wiha got: "Berpirsyarên rasteqîn ên tundiya li dijî qada tenduristiyê, ew kes in ku tevdîrên pêwîst nagirin."

 

Duh bi şev li Nexweşxaneya Perwerde û Lêkolînê ya Mehmet Akîf Înan a navçeya Halîliye ya Rihayê 3 bijîşk rastî tundiya xizmên nexweşan hatin. Bijîşk Ganîme Seda Ûgûr, Bijîşkê Pispor Mehmet Alî Ak û Bijîşkê Pispor Yilmaz Safî yên di Beşa Lezgîn de dixebitin, pêşî rastî êrişa nexweş û piştre jî ya xizmên nexweşan hatin. Êrişkar hatin girtin."

 

Odeya Bijîşkan a Rihayê bertek nîşanî êrişê da û wiha bi dawî kir: "Berpirsyarên rasteqîn ên êrişên li dijî qada tenduristiyê ew kes in ku pêşiya van êrişan nagirin û tevdîrên pêwîst nagirin."