Peymana petrola Tirkiye û Iraqê ya 53 salan ber bi dawî dibe
NAVENDA NÛÇEYAN - Peymana Xeta Boriya Petrolê ya Xav a di navbera Tirkiye û Iraqê de ku ji sala 1973'an ve di meriyetê de ye, wê heta sala 2026'an biqede.
Hevkariya lûleya petrolê ya xam ku di navbera Tirkiye û Iraqê de di sala 1973'an de hate îmzekirin û bi çend protokol û peymanên din dewam kir, wê di 27'ê Tîrmeha 2026’an de biqede. Biryara serokkomariyê ya li ser mijarê di Rojnameya Fermî de hat weşandin.
Qonaxa yekemîn a xeta boriyê, di çarçoveya Peymana Xeta Boriya Petrola Xam a di 27'ê Tebaxa 1973'an de di navbera her du welatan de hat îmzekirin, di sala 1976'an de hat destpêkirin. Peyman di sala 2010'an de hate nûkirin û 15 salên din jî hatibû dirêjkirin.